Беҳруз Низомов, Тошкент шаҳридан: — Сўнгги пайтларда хонандаларимизнинг ғарб клипларига тақлид қилаётганини пайқаш қийин бўлмай қолди. Бунга мисол сифатида хонанда Зиёданинг "Ғоя” қўшиғига ишланган клипни келтириш мумкин. Хонанда ва клипмейкер бошқа "ғоя” тополмагани томошабиннинг айби эмас, ахир. Гўё хонанда севган йигитини рашк қиладиган қизларга худди клипда кўрсатилгани каби ҳаркат қилиш лозимлигини уқтираётгандек. Қайси ўзбек қизи севганини қизғаниб, бегонанинг уйидгани нарсаларни синдириб, йиртиб, ер билан битта қилади?! Бу ахир вайронагарчилик туйғусини уйғотиш эмасми? Хонанданинг имижида ҳам бунга урғу берилган. Зиёданинг "най-на-най”, деган сўзидан бошқасини тушуниб ҳам бўлмайди. Зиёда, хонанда: — Ғарбга тақлид қилиш ҳақидаги гапга қўшилмаган бўлардим. Шунчакиклипда янгилик қилишга уринганмиз. Клип ҳазиломуз тарзда суратга олинган. Буни билдириш учун охирида кўзимни ҳисиб ҳам қўйганман. Агар клипим мухлисларимизга ёқмаган бўлса, кейинги клиплар орқали тўғирлашга ҳаракат қиламан.
|
