Sardor Rahimxon va nihoyat Vatan haqida qo'shiq kuylashga qaror qildi. Vatan haqida qo'shiqni bundan avvalroq kuylamaganligiga sabab esa qo'shiq uchun uning ko'nglidagidek she'r topilmayotganligida edi. Rahimxon olti yil deganda "Azizim Vatan" deb xonish qildi. Ushbu qo'shiqqa Mirmaqsud Oxunov, Rustam Murodov bilan birga klip suratga olindi. Mazkur ijod mahsuli "Sardor Rustam Murodov bilan san-manga borib qolibdi", degan gaplarga chek qo'ysa ajabmas.
Sardor Rahimxon: "Shu vaqtgacha ko'nglimdagidek she'r topolmayotgandim. Balandparvoz so'zlardan qochib, hamma qo'shiqlar singari odatdagidek qo'shiq yozishni istamaganim bunga sabab bo'lgandi. "Azizim Vatan" qo'shig'ining she'ri bir yil davomida yozildi. Eng qizig'i, qo'shiq bir kunda tayyor bo'ldi. Mustaqilligimizning 20 yillik munosabati bilan milliy estrada yo'nalishida "Nima uchun?" nomli qo'shiq yozdim. Unga klipmeyker Yodgor Nosirov bilan klip suratga olinadi." Aytmoqchi, mazkur qo'shiq aslida Iqbol Muhammadjonovniki edi. Hatto radioga berishga shaylanib ham turgandi. Kutilmaganda, qo'shiq Rahimxonga taqdim etildi. Qiziq, buning sababi nimada ekan?!
